कञ्चनपुरकके कृष्णपुर नगरपालिका–९, चपरतल्ला लगायतकके क्षेत्रम छाडा चौपायाके आतंक बढ्ती गिल बाट । रातके समयम खेतमै प्रवेश कैक चौपाया धानबालीम क्षति पुगाइल स्थानीय किसान समस्याम परल  बाट ।
‎‎बाली जोगाई लाग किसान खेतमै अस्थायी झुपडी निर्माण कैक  रातभर खेट्वाम  जागपर्ना बाध्यता बातिन । खेतके आजरपाजर तारबार ओ जाली लगाक फेन  छाडा चौपाया पुनः खेतमै प्रवेश कैक बाली नोक्सान करल स्थानीयहूकनके गुनासो बातिन।
‎‎स्थानीयके अनुसार हरेक रात पाँच सयसे  ज्यादा  छाडा चौपाया जंगलसे आके खेतीयोग्य जमिनम  पुग्ना करल बाटै ।  कीसान हूकनके अनुसार असीन चौपाया भारततर्फ से लालझाडी वन क्षेत्र हुयीती नेपाली भूभागमे प्रवेश कर्ना करल बाटै ।
‎‎स्थानीय बासिन्दाहूक्र कल धानके बीउ छित्ना समय से लेके गहुँ भित्त्रैना समय सम्म बाली जोगैलाग निरन्तर खेतमै बैठपर्ना  अवस्था रहल बाट । यकर आघ गहुँबालीके  समयम  फेन् अस्टे समस्या भोगे परत कैके  स्थानीय लक्ष्मण डगौराके गूनासो बातिन ।
‎‎भारततर्फसे रातके समयमे छाडा चौपाया आके हमार बाली नष्ट करल बाटै । यी वर्ष  झन्  संख्या बढल बाट कैक बताइल बाट ।  एक रातम धेर बाली सखाप पारल बाट कैक स्थानीय बासिन्दा हुक्र जानकारी देहल  बाट ।
‎
‎किसानहूकनके  अनुसार छाडा चौपाया बालीमे भारी  क्षति पुगैले से फेन समस्या समाधानके लाग सम्बन्धित निकायसे प्रभावकारी पहल हिई नैसेकल हो । स्थानीय तह से आवश्यक सहयोग  दीर्घकालीन समाधानके माग करल बातै ।
‎‎चपरतल्ला, जोराइल ओ पिपरिया लगायतके क्षेत्रमे छाडा चौपायाके समस्या वर्षेनी बढ्ती गिल  स्थानीयके भनाइ बातिन । वन क्षेत्रमे बैठके बच्चा जन्मैना छाडा चौपायाके संख्या बढ्ती गिल आगामी दिनमे समस्या और जटिल बने सेक्ना चिन्ता किसानहुक्र व्यक्त करल बाटै । स्थानीय बासिन्दाहूके्र धानबाली बचैलाग सरकारसे तारजाली ओ छाडा चौपाया नियन्त्रण कर्ना माग करल  बाट ।