कैलालीमे कठ्वक कारोबार खुलाइलाग माग, प्रतिबन्ध नैहत्लसे आन्दोलन कर्ना चेतावनी
धनगढीः कैलालीमे झण्डै पाँच महिनासे रोकल कठ्वा ओ काठीके संकलन, बिक्री वितरण ओ ओसारपसार खुलाइलाग माग कर्ले बाटै । लम्मा समयसे प्रतिबन्ध कायम रहँल वन व्यवसायसँग आश्रित परिवार, उद्योगी, श्रमिक ओ उपभोक्ता प्रभावित हुइल कैके वन पैदावार व्यवसायीहुक्र तत्काल प्रतिबन्ध हटाइलाग माग कर्ले बाटै ।
सोमबार धनगढीमे पत्रकार सम्मेलन कर्ती पर्यावरण संरक्षण एवं वन पैदावार व्यवसायी संघ कैलालीसे प्रदेश सरकारहुक्र लगाइल प्रतिबन्धके कारण वन पैदावार व्यवसाय संकटम परल जनाइल बाटै । संघसे पाँच महिनासे कठ्वा ओ काठीके कारोबार पूर्ण रूपमे बन्द होके व्यवसायीहुक्र आर्थिक क्षति व्यहोरे परल ओ उपभोक्ताहुक्र समेत आवश्यक कठ्वा पाइ नैसेकल बताइल बाटै ।
संघके अध्यक्ष प्रकाशबहादुर खड्का कठ्वा ओ काठीके कारोबार बन्द हाके आश्रित परिवार, सःमिल ओ फर्निचर व्यवसायी ओ अन्य व्यवसायी प्रभावित हुइल बतैल । लम्मा समयसम्म कठ्वा बिक्री करे नैपाके संकलित वन पैदावारके गुणस्तरसमेत बिग्रना अवस्था रहल उहाके भनाइ बाटिन् । वन नियमअनुसार लिलाम प्रक्रिया पूरा कैके राजस्वसमेत जम्मा होसेकल कठ्वा ओ काठीके ओसारपसारमे समेत प्रतिबन्ध लगाइल कैके संघसे आपत्ति जनाइल बाटै । यम्नेसे प्रदेश ओ स्थानीय सरकारहुक्र प्राप्त कर्ना राजस्वमे समेत असर परल संघके दाबी बा ।
सुदूरपश्चिमके नौ जिल्लामध्ये आठ जिल्लामे कठ्वा ओ काथीके संकलन ओ बिक्री वितरण खुला कर्ले से फेन् कैलालीमे किल प्रतिबन्ध कायम धरल संघके गुनासो बा । अन्य जिल्लामे कारोबार खुला होके कैलालीमे किल रोक लगैनाके औचित्यउपर संघसे प्रश्न उठाइल बाटै ।
कुछ सामुदायिक वनमे स्वीकृत कार्ययोजनासे ज्यादा रुख्वा कटान कैके कठ्के कारोबार करे लागल कैके उजुरी परल पाछे प्रदेश सरकारसे गत असार ९ गतेसे कठ्के बिक्री वितरणमे रोक लगाइल रहित । सुदूरपश्चिम प्रदेशसभा, अर्थ विकास ओ प्राकृतिक स्रोत समितिके निर्देशनपाछे उद्योग, पर्यटन, वन ओ वातावरण मन्त्रालयहुक्र छानबिनके लाग मातहतके वन कार्यालयहे कठ्वाके बिक्री वितरण रोक्ना निर्देशन देहेल रहे । कैलालीमा संकलन कैके घाटगद्दीमे धरल ओ लिलामके लाग आवश्यक प्रक्रिया पूरा करल कठ्वा समेत बिक्री हुइ सेकल नैहो ।
