काठमाडौँ ः काठमाडौँ महानगरपालिका तिहारमे प्लास्टिकजन्य फूलमाला ओ सजावटके सामग्रीके बिक्रीवितरणमे रोक लगाइल बाटै ।
महानगरपालिका आज सूचना जारी कैके प्लास्टिकजन्य फूल, माला ओ सजावटके सामग्री बिक्रीवितरण नैकर्ना व्यवसायी, व्यापारी ओ सर्वसाधारणहुकन आग्रह कर्ले बाटै । ओसिन सामग्री बिक्री करल पाइलेसे जफत कर्ना चेतावनी फेन महानगरहुक्र देहेल बाटै । 
नेपाली किसानहुक्र उत्पादन करल प्राकृतिक फूल ओ मालाके बिक्रीवितरणके लाग महानगरपालिकाहुक्र २६ स्थान तोकल बाटै । यी स्थानमे बानेश्वर, शङ्खमूल, चाबहिल, तीनकुने, सिफल, बत्तीसपुतली, स्वयम्भू, कालीमाटी, कललङ्की, नयाँ बजार, माछापोखरी, हाँडीगाउँ, सामाखुसी, महाराजगञ्ज, गोँगबु, चप्पल कारखाना, बालुवाटार, कमलादी, पुतलीसडक, अनामनगर, टेवहाल, सुन्धारा, न्यूरोड, लगन, जैसीदेवल र भृकुटीमण्डप रहल बाटै । महानगरपालिकाहुक्र तोकल स्थानमे नेपाली किसानहुक्र उत्पादन करल फूलमाला बिक्री करेलाग व्यवसायीहुक्र आग्रह कर्ले बाटै । बिक्री व्यवस्थापन ओ सहजीकरणके लाग महानगर प्रहरी बल परिचालन कर्ना सूचनामे उल्लेख बा ।