कञ्चनपुरम कटुवा पेस्तोलसहित चार जना पक्राउ परल बाटै । जिल्ला प्रहरी कार्यालय कञ्चनपुरके अनुसार भीमदत्त नगरपालिका–१८ सालघारीसे  पक्राउ कर्ले बाटै । पक्राउ परल कैलालीके गोदावरी नगरपालिका–९ के २० वर्षीय पारस रोकाया, कञ्चनपुरके बेलडाँडी गाउँपालिका–३ के १८ वर्षीय बिपिन सिंह, सोही ठाउँके २० वर्षीय नितेशा सिंह ओ भीमदत्त नगरपालिका–६ के २० वर्षीय राजेन्द्रसिंह गोयला रहल बाटै । 
जिल्ला प्रहरी कार्यालय कञ्चनपुर ओ वडा प्रहरी कार्यालय महेन्द्रनगरसे खटल प्रहरी टोली शङ्कास्पद अवस्थामे सोधपुछ ओ चेकजाँच करल रहीत । ओहे क्रममे  मोबाइलमे कटुवा पेस्तोलसहितके फोटो ओ भिडियो फेला परल प्रहरीहूक्रे जानकारी देहल बाटै । 
थप अनुसन्धानके क्रममे बिपिन सिंहहे भीमदत्त नगरपालिका–१८ मामाभान्जा चोकस्थित डेरा कोठामे रीतपूर्वक खानतलासी करेबेला लुकाइछिपाइ कर्के कटुवा पेस्तोल फेला परल प्रहरीले जानकारी देहल बाटै । 
बरामद पेस्तोलसहित चार्यो जनाहे नियन्त्रणमे लेके घटनाबारे थप अनुसन्धान हूइती रहल जिल्ला प्रहरी कार्यालय कञ्चनपुरसे जानकारी देहल बाटै ।