सुदूरपश्चिमके मुख्यमन्त्री खगराज भट्ट भोटेकोशी बाढीपाछे सम्पर्कविहीन सुदूरपश्चिमके नागरिकके खोज, उद्धार ओ पुनःस्थापनाके लाग आवश्यक पहल कर्ना सुरक्षा निकायहे निर्देशन देले बाटै ।
मुख्यमन्त्री ओ मन्त्रिपरिषद्के कार्यालयमे आज बिहानके बैठल सुरक्षा समितिके बैठकमे उहा प्रभावित क्षेत्रमे सम्पर्कविहीन नागरिकके खोज ओ उद्धार कार्यहे प्रभावकारी बनाइलाग आवश्यक समन्वयके लाग निर्देशन देले बाटै । 
मुख्यमन्त्री भट्ट सम्भव हूइल सम्मके सब उपाय अवलम्बन कैके खोज ओ उद्धार कार्यहे तीव्रता देना निर्देशन देहेल बाटै । उहाहे सचिवालयहूक्रे जनाइल बाटै । 
बैठकमे भोटेकोशी बाढीमे परल नागरिकके खोज, उद्धार ओ पुनःस्थापनाके लाग आवश्यक पहल कर्ना निर्णय कर्ले बाटै । साथै, प्रदेशमे बाढी ओ अन्य विपद्के सम्भावनाहे ध्यानम धर्ती सब सुरक्षा संयन्त्रहे उच्च सतर्कता  ओ तयारी अवस्थामे धर्ना निर्णय कर्ले बाटै । 
बैठकमे नेपाल–भारत सीमा क्षेत्रमे देखैना समस्या समाधान ओ लागुऔषध नियन्त्रणके लाग प्रभावकारी अभियान सञ्चालन कर्ना बारे मे फेन  छलफल हूइल रहे ।