धनगढीः चोरी मुद्दामे कैद ओ जरिवाना सजाय तोकलपाछे फरार रहल कैलालीके एक जाने पक्राउ परल बाटै ।
जिल्ला प्रहरी कार्यालय कैलालीस खटल प्रहरी टोलीहुक्र धनगढी उपमहानगरपालिका–१३ के ३१ वर्षीय सुरज चौधरीहे मंगलबार पक्राउ करल बाटै ।
जिल्ला अदालत कैलालीके फैसलासे चौधरीहे चोरी मुद्दामे तीन महिना कैद ओ पाँच हजार रुपैयाँ जरिवाना सजाय तोकल रहित ।  फैसला कार्यान्वयन कर्ना क्रममे उहाहे पक्राउ करल जिल्ला प्रहरी कार्यालय कैलालीसे जनाइल बाटै ।