सुदूरपश्चिम प्रदेशके भूमि व्यवस्था, कृषि ओ सहकारीमन्त्री दमनबहादुर भण्डारीके सचिवालयहूक्रे विभिन्न विकास योजना पार्देना कैके स्थानीयवासीसे रकम उठैल कैके आरोपके खण्डन कर्ले बाटै । 
मन्त्रीके सचिवालयहूक्रे बिहीबार प्रेस विज्ञप्ति जारी कर्ती मन्त्रालय ओ मन्त्री सचिवालयके कर्मचारीहूक्रे विभिन्न व्यक्तिसँगके आर्थिक लेनदेन कर्ल कैके सामाजिक सञ्जालमे प्रकाशित सामग्रीप्रति गम्भीर ध्यानाकर्षण हूइल जनाइगील बा ।
सचिवालयके प्रमुख स्वकीय सचिव ईश्वरबहादुर ढकाल जारी करल विज्ञप्तिमे मन्त्रालय ओ सचिवालयका कोनो फेन कर्मचारी गैरकानुनी ओ अनैतिक आर्थिक लेनदेनके गतिविधिमे संलग्न नैरहल स्पष्ट पर्ले बाटै ।
यकर आघे नेकपा एमालेके कार्यकर्ता बझाङमे रहल मोहन बोहरालगायत सामाजिक सञ्जालमार्फत मन्त्री भण्डारीके सचिवालयहूक्रे योजना बनैल  कैके स्थानीयवासीसे रकम उठाइल आरोप लगाइल रहै । 
उहा लगातार सामाजिक सञ्जाल पोस्टमार्फत रकम फिर्ता कर्ना आग्रह कर्ती रकम फिर्ता नैकर्के रकम देना  ओ लेना व्यक्तिके नाम सार्वजनिक कर्ना चेतावनी देहेल रहित । 
्मन्त्री भण्डारीउपर कृषि ओ पशुपन्छी क्षेत्रके बजेट निजी फर्ममे केन्द्रित हुइना कैके कार्यविधि परिवर्तन करल ओ  विकास योजनाके नाममे स्थानीयस्तरसे रकम असुलल आरोपसमेत सार्वजनिक हूइल रहे । 

तर, मन्त्री भण्डारी कलै  आप्नेही आपन सचिवालयसे योजना पारदेना कैके कीहून से फे रकम नैउथाइल स्पष्ट पारल बाटै । उहा सचिवालयके कोनो मनैहूक्रे ओसिन कार्य करल प्रमाणित हूइलेसे कारबाही कर्ना बतैल बाटै ।