बैतडीमे जिप दुर्घटना होके एक जनाके मृत्यु हुइल बा । डडेल्धुरा सदरमुकामसे बैतडीके पञ्चेश्वरतर्फ जैती रहल  जिप बुधबार सन्झ्याके पाटन–पञ्चेश्वर सडकखण्डअन्तर्गत मेलौली नगरपालिका–१ सौडानी खोलामे दुर्घटना हुइल बा । 
दुर्घटनामे बैतडीके पञ्चेश्वर गाउँपालिका–२ के ३५ वर्षीय सुना मङ्गोलाके मृत्यु हुइल जिल्ला प्रहरी कार्यालयके प्रवक्ता सुरज सिंह जानकारी देल । गम्भीर घाइते मङ्गोलाके प्राथमिक स्वास्थ्य केन्द्र मेलौलीमे उपचारके क्रममे मृत्यु हुइल उहा जानकारी देल । 
दुर्घटनामे जिप चालकसहित छ जना घाइते हुइल बाटै ।  घाइते हुइनामे पञ्चेश्वर गाउँपालिका–२ के सोमन मङ्गोला, अविनाश राम लुहार, निरज बस्केल, करन सिह मङ्गोला, सुनिल बस्केल ओ जीप चालक सन्तोष राम लुहार घाइते हुइल बाट ।  
घाइतेके प्राथमिक स्वास्थ्य केन्द्र मेलौलीमे उपचार हुइती रहल जिल्ला प्रहरी कार्यालयसे जनाइल बाट । जिप अनियन्त्रित होके सडकसे तर खसल ओ दुर्घटनाबारे थप अनुसन्धान हुइती रहल प्रहरीहुक्र जनाइल बाट ।